Сонгон шалгаруулалт хэзээ болох вэ ?
Нийслэлийн Боловсролын газраас элсэлт авах тооноос давсан хүүхэд бүртгүүлсэн бол тухайн цэцэрлэг дээр сонгон шалгаруулалт буюу сугалаа явагдана. Элсэлтийг тухайн цэцэрлэгт нийт бүртгүүлсэн хүүхдүүдээс санамсаргүй сонголтын аргаар авна. Элсэлт явуулах өдөр нь 2017 оны 08 сарын 25-ны 10 цагт эхлэнэ. Системээр санамсаргүй сонгогдсон хүүхдүүд цэцэрлэгтээ элсэн орно. Мэдээллийн сувгуудаар болон вэб сайтаар олон нийтэд элсэлтийн талаар мэдээллийг нээлттэй зарлана.

Цэцэрлэгт орох хүсэлтийг цахимаар илгээхэд ямар бичиг баримт бүрдүүлэх шаардлагатай вэ ?
Цахим бүртгэлийн системийн "БҮРТГЭЛ" цэсэнд хандаж, хүүхдийн регистрийн дугаарыг оруулан хайх товч дарснаар таны хүүхдийн хувийн мэдээлэл болон орж болох цэцэрлэгийн жагсаалт гарч ирнэ. Холбоо барих утасны дугаарыг бүртгүүлэн баталгаажуулснаар таны хүүхэд сонгон шалгаруулалтад оролцох боломжтой болно.

Цэцэрлэгийн цахим бүртгэлийн системд хэдэн настай хүүхэд бүртгүүлэх вэ?
Цэцэрлэгийн цахим бүртгэлийн системд 2015 оны 01 сарын 01-ний өдрөөс 12 сарын 31-ний өдрийн хооронд төрсөн хүүхдүүд бүртгүүлэх боломжтой.

2014 онд төрсөн хүүхэд хэзээ бүртгүүлэх вэ?
3-5 насны хүүхдийн цэцэрлэгийн бүртгэлийг 2017 оны 08 дугаар сарын 21-ний өдрөөс 2017 оны 08 дугаар сарын 24-ний өдрийн хооронд тухайн цэцэрлэг дээрээ уламжлалт аргаар бүртгүүлнэ. Жич: Хамран сургах тойргийн цэцэрлэг нь шинээр 3-5 насны хүүхэд авах бол дээрх хугацаанд очиж бүртгүүлнэ гэдгийг анхаарна уу

Би өмнөх оршин суугаа хаягийн шилжүүлгээ 2015 онд хийлгэсэн. Гэтэл миний хүүгийн хаяг хуучин хаягийн мэдээлэл байна. Хэрхэн одоо байгаа хаягийн харьяалагдах цэцэрлэгт бүртгүүлэх вэ?
Таны хүүхдийн оршин суугаа хаяг шилжээгүй байх магадлалтай. Иймд оршин суугаа Хорооны улсын бүртгэгчид хандаж хүүхдийн оршин суугаа хаягийн шилжилтийг хийлгэнэ үү.

Сайн байна уу. Би бүртгэл эхэлсэн эхний өдөр бүртгүүлсэн юмаа манайх өөр тийшээ нүүгээд шилжилт хөдөлгөөн хийгээд хаягаа шинэчилчихлээ одоо яах вэ дахиж бүртгүүлж болох болов уу
Сайн байна уу Эцэг эх та хуучин амьдарч байсан хорооны бүртгэлийн ажилтан дээр очиж хүүхдээ хамт шилжүүлэн хасалтийг хийлгэж одоо амьдарч байгаа хаяг дээрээ бүртгүүлнэ. Эцэг эх та хүүхдээ хуучин хаяг дээрх цэцэрлэгт бүртгүүлсэн бол одоо амьдарч байгаа дүүргийн боловсролын хэлтсийн утсаар холбогдон хүүхдийнхээ регистрийн дугаарыг хэлж хаягаа шалгуулан шинэ хаягийхаа цэцэрлэгт бүртгүүлээрэй. Хуучин хаягийн цэцэрлэгт бүртгүүлсэн бүртгэл нь шинэ хаягийн цэцэрлэгт бүртгүүлсэн тохиолдолд автоматаар цуцлагдана гэдгийг анхаарна уу Дүүргүүдийн холбоо барих дугаарууд сайтын баруун доод талд байгаа.

To Top ↑