Хүүхдийн маань хаяг хуучин хаяг дээрээ бүртгэлтэй байсныг анзааралгүй тус хаягын цэцэрлэгт нь бүртгэлээ баталгаажуулчихлаа. Яаж шилжсэн шинэ хаягынхаа цэцэрлэгт нь хүүхдээ цахимаар бүртгүүлэх вэ?
Энэ тохиолдолд эцэг эх та Нийслэлийн Мэдээллийн технологийн газрын 330822, 330899 утсанд хандана уу.

Цахим бүртгэл хэзээ болох вэ ?
2018-2019 оны хичээлийн шинэ жилд шинээр элсэн орох 2016 онд төрсөн 2 нас болон 3-5 настай хүүхдийн бүртгэлийг 2017 оны 07 дугаар сарын 25-ны 09 цагаас 08 дугаар сарын 23-ны өдрийн 23:59 цаг хүртэл цахимаар бүртгэнэ.

Манай хүүхэд 3 настай хамран сургах тойргийн цэцэрлэгт энэ жил хүүхдээ бүртгүүлэх гэхээр элсэлтийн тоо 0 гэж гарч ирээд байна. Энэ ямар учиртай юм бэ?
Тухайн цэцэрлэг нь энэ насанд хүүхэд элсүүлж авах сул орон тоо байхгүй тул хүсэлтийг бүртгэх боломжгүй юм байна.

Цэцэрлэгийн цахим бүртгэлийн системд хэдэн настай хүүхэд бүртгүүлэх вэ?
Цэцэрлэгийн цахим бүртгэлийн системд 2016 оны 01 сарын 01-ний өдрөөс 12 сарын 31-ний өдрийн хооронд төрсөн хүүхдүүд бүртгүүлэх боломжтой. Мөн 2013-2015 онд төрсөн 3-5 настай хүүхэд цэцэрлэгт шинээр элсэж орох бол цахимаар бүртгүүлнэ. Жич: Хамран сургах тойргийн цэцэрлэг нь шинээр 3-5 насны хүүхдийн элсэлт авах хяналтын тоог цахимд оруулж зарласан тохиолдолд цахимаар бүртгүүлнэ гэдгийг анхаарна уу.

Хяналтын тоо гэж юуг хэлээд байгаа юм бэ?
Тухайн цэцэрлэгийн элсэлт авах хүүхдийн тоог хяналтын тоо гэж нэрлэдэг.

Цэцэрлэгт орох хүсэлтийг цахимаар илгээхэд ямар бичиг баримт бүрдүүлэх шаардлагатай вэ ?
Цахим бүртгэлийн системийн "БҮРТГЭЛ" цэсэнд хандаж, хүүхдийн регистрийн дугаар, доорх түлхүүр нууц үгийг оруулж нэвтрэх товчийг дарснаар таны хүүхдийн хаягийн мэдээлэл болон хамран сургах тойргийн цэцэрлэг гарч ирнэ. Холбоо барих утасны дугаарыг бүртгүүлэн баталгаажуулснаар таны хүүхэд санамсаргүй түүврийн аргаар сонгогдох элсэлтийн үйл ажиллагаанд оролцох боломжтой болно.

Хуучин цэцэрлэгт хамрагдан суралцаж байгаа 3-5 насны хүүхдийг хэзээ яаж бүртгэх вэ?
Өмнөх хичээлийн жилүүдэд цэцэрлэгт элссэн 3-5 настай хүүхдүүдийн эцэг эх, асран хамгаалагчид төрийн өмчийн цэцэрлэгийн бүртгэлийн цахим систем (tsetserleg.ulaanbaatar.mn)-д бүртгэлтэй эсэхийг шалгаж, баталгаажуулна. Баталгаажуулахдаа хүүхдийнхээ регистрийн дугаар болон нэг удаагийн нууц түлхүүр үгийг бичиж шалгах товч дээр дарна. Үүний дараа хүүхдийн мэдээллийг шалгаад, холбогдох гар утасны дугаараа оруулан “Бүртгэлийн дугаар авах” товчийг дарснаар таны гар утсанд 6 оронтой бүртгэлийн дугаар ирнэ. Уг бүртгэлийн дугаарыг системд оруулснаар таны хүүхдийн бүртгэл баталгаажна гэдгийг анхаарна уу. Бүртгэлийг баталгаажуулах үйл ажиллагаа 2018 оны 07 дугаар сарын 25-ны 09 цагаас 08 дугаар сарын 23-ны өдрийг дуустал үргэлжилнэ. Жич: Цэцэрлэгт элсэж орсны дараа таны хүүхдийн бүртгэлийн дугаар нь Эцэг эхчүүдэд зориулсан гар утасны аппликэйшнд нэвтэрч орох нууц үг болох тул хүүхдийнхээ бүртгэлийг заавал баталгаажуулж, 6 оронтой бүртгэлийн дугаарыг нь авна уу.

Би өмнө нь оршин сууж байсан дүүргээсээ хаягийн шилжүүлгээ 2015 онд хийлгэсэн. Гэтэл цахимд бүртгүүлэх гэхээр миний хүүгийн хаягийн мэдээлэл хуучин хаяг дээрээ бүртгэлтэй харагдаж байна. Хэрхэн одоо амьдарч байгаа хаяг дээрх харьяа цэцэрлэгт бүртгүүлэх вэ?
Таны хүүхэд хуучин хаяг дээрээ бүртгэлтэй байна. Иймээс эцэг эх, асран хамгаалагч та хуучин оршин сууж байсан хорооны улсын бүртгэлийн бүртгэгч дээр очиж хүүхдийнхээ хаягийн шилжүүлгийг хийлгэж, одоо оршин сууж байгаа хаяг дээрээ хүүхдээ бүртгүүлснээр таны хүүхэд хамран сургах тойргийн цэцэрлэгтээ бүртгүүлэх боломжтой болох юм.

Манай хүүхэд 4 настай өөр дүүрэгт цэцэрлэгт бүртгэлтэй байгаа юмаа. Одоо амьдарч буй газраа шилжиж ирээд хамран сургах тойргийн цэцэрлэгт нь бүртгүүлж болох уу?
Танай хорооны хамран сургах тойргийн цэцэрлэг нь 4 насны бүлэгтээ шинээр хүүхэд элсүүлж авах элсэлтийн тоо өгч цахимаар зарласан тохиолдолд та хүүхдээ хуучин цэцэрлэгийн ESIS системээс хасалтыг хийлгүүлж, цахимаар шилжсэн хаягийн харьяа цэцэрлэгт нь бүртгүүлж болно. Гэхдээ таны хүүхэд цэцэрлэгт элсэж орсон гэж ойлгож болохгүй. Тухайн элсэн орох цэцэрлэгт нь элсэлтийн тооноосоо давсан хүүхэд бүртгүүлсэн бол цахим элсэлтийн үйл ажиллагаа зохион байгуулагдах бөгөөд нийт бүртгүүлсэн хүүхдүүдээс санамсаргүй түүврийн аргаар хүүхдээ элсүүлж авна гэдгийг анхаарна уу. Цахим элсэлтийн үйл ажиллагаа 2018 оны 08 дугаарсарын 24-ны 09 цагт нэгэн зэрэг цэцэрлэгүүд дээр зохион байгуулагдана.

Сайн байна уу. Би бүртгэл эхэлсэн эхний өдөр хуучин хаяг дээрээ 2 настай хүүхдээ бүртгүүлсэн юмаа. Манайх саяхан байраа зараад өөр дүүрэг рүү нүүчихсэн. Одоо яах вэ? Шилжиж ирсэн хаягийнхаа хамран сургах тойргийн харьяа цэцэрлэгт нь хүүхдээ бүртгүүлэх гэсиймаа, хуучин бүртгэлээ цуцлаад, дахиж бүртгүүлж болох уу ?
Сайн байна уу Эцэг эх та хуучин амьдарч байсан хорооны бүртгэлийн ажилтан дээр очиж хуучин хаягаасаа хасалт хийлгүүлнэ. Үүний дараа шилжин очих дүүргийнхээ хорооны бүртгэлийн ажилтан дээр очиж шинэ хаяг дээрээ бүртгүүлнэ. Эцэг эх та хүүхдээ хуучин хаяг дээрх цэцэрлэгт бүртгүүлсэн бол одоо амьдарч байгаа дүүргийн боловсролын хэлтсийн утсаар холбогдон хүүхдийнхээ регистрийн дугаарыг хэлж хаягаа шалгуулан шинэ хаягийхаа цэцэрлэгт бүртгүүлээрэй. Хуучин хаягийн цэцэрлэгт бүртгүүлсэн бүртгэл нь шинэ хаягийн цэцэрлэгт бүртгүүлсэн тохиолдолд автоматаар цуцлагдана гэдгийг анхаарна уу Дүүргүүдийн Боловсролын хэлтсийн холбоо барих утасны дугаар: Баянгол-70120351 Баянзүрх-70100546 Багануур-70213815 Налайх-70233008 Хан-Уул-342472 Сүхбаатар-70111606 Сонгинохайрхан-70171110 Чингэлтэй-315442 Нийслэлийн Боловсролын газар - 70113032 Нийслэлийн Мэдээллийн технологийн газар - 330822

To Top ↑